فصل ممتاز وأفضل من الماضي
أبرز النقاط اللي تكلم عليها الفصل
1- حصر الأعداد في تشين وهذا ممكن البعض يشوفه عائق في الحرب خصوصا اللي مالهم بالحرب أو كبار السن لكن بالمقابل راح يكون فيه مكافئة لو فرضنا فيه ناس ماتبي تروح وهنا يأتي التحدي إن الكل مايقدر يشارك في الحرب ولا الأغلب يعرف كيفية خوض المعركة وهو اللي ممكن ما أنذكر إن القادة يشددون ويشرفون هم أو اللي تحتهم على تدريبهم لإن فيه حملة التوحيد اللي تطلق من جديد راح الكل يكون مشارك سواء برضاه ولا لا
2- عزل أوسين مب شي جديد في المانغا وشفنا ذا عند تشاو يوم الائتلاف وغيو سواء الحبس ولا التجريد من المنصب وأي شي ثاني ولا نبخس حق أوسين لكن خسارة ساحقة وزين إنه بقى على تجريد لين يستعيد سواء هو ولا جيشه المتبقي عافيته
3- غزو دولة مثل هان إختيار ممتاز عشان تستعيد تشين بعض من زخمها بعد المرارة اللي عصفت بها آخر سنتين

هارا يابزر إلى متى مخلي شين مسخرة ولايفقه بالاستراتيجيات وقراءة الخطط؟؟ مو طبيعي حتى في خطه بسيطة مثل الدفاع عن الحدود يناقز وماهو فاهم شي!
بالبداية طبيعي نظرًا لصغر عمره وخبرته وانعدام تعليمه لكن الحين الرجال له سنين بالمعارك وعمره شوي يدخل الثلاثين وش هالتافهه مصخها الكاتب
ماقلنا نبيه جدار ونفسية نفس اوهون لكن شوية ثقل مايضر يالطيب
شين شخصية رهيبه لكن لو يوقف الكاتب استهبال ويخفف ردات الفعل المبالغ فيها على كل موقف لان حامت كبدنا
مو معقول بيصير قريب جنرال عظيم وبعدها اعظم جنرال تحت السماء وهو مايعرف يركب خطتين على بعضها ومعتمد على تين تمامًا
قلتها سابقا شين كان عنده بوادر يكون مخطط ارتجالي بس مدري وين اختفت لنا كم سنة ماشفناها
إذا في هالسنتين ماتغير شين بيصير صراحة عيب كبير في شخصيته كجنرال